وقف ترمیمی ایکٹ 2025پرسپریم کورٹ کے عبوری فیصلے کا خیر مقدم کرتے ہیں۔ عبدالمجید ایس ڈی پی آئی

بنگلور۔ (پریس ریلیز)۔ سوشیل ڈیموکریٹک پارٹی آ ف انڈیا کے ریاستی صدر عبدالمجید نے اپنے جاری کردہ اخباری بیان میں وقف ترمیمی ایکٹ 2025پر سپریم کورٹ کے عبوری فیصلے کا خیر مقدم کیا ہے۔ انہوں نے مزید کہا ہے کہ، عرضی نمبر 445  میں، میں عبدالمجید، یس ڈی پی آئی ریاستی صدر، میسورکرناٹک درخواست گزار تھا۔

یہ پٹیشن ایڈوکیٹ اسلم احمد کی رہنمائی میں اڈوکیٹ محمد فیضان مجید (میسور) اور محمد اصحاب (دہلی) نے دائر کی تھی۔ ہم وقف اداروں کے حقوق کے دفاع میں ان کی انتھک کوششوں کے لئے دل کے گہرائیوں سے ستائش کرتے ہیں۔

جب کہ ہم وقف املاک کو من مانی تصرف سے بچانے اور اسلام پر چلنے کی پانچ سالہ شق کو روکنے کے لیے عدالت کی ہدایات کا خیرمقدم کرتے ہیں، وہیں،ہم واضح طور پر درج ذیل اعتراضات اٹھاتے ہیں:

1۔یہ عبوری حکم امت مسلمہ کے مذہبی حقوق اور وقار کا مکمل تحفظ نہیں کر رہا ہے، کیونکہ اس نے ایکٹ کی صرف بعض دفعات پر روک لگائی ہے۔

2۔خطرناک دفعات کو اڈریس نہیں کیا گیا ہے۔ - جیسے:وقف پر حد بندی ایکٹ کا پابند،صارف کے ذریعہ وقف کا خاتمہ اورمقررہ علاقوں پر وقف بنانے پر پابندی۔یہ اب بھی وقف کے وجود اور تسلسل کے لیے شدید خطرہ ہیں۔

3۔ریاستی وقف بورڈ اور قومی وقف کونسل میں غیر مسلموں کو شامل کرنا - اس پر روک لگانے سے انکار انتہائی مایوس کن ہے۔ وقف ایک خصوصی مذہبی وقف ہے، اور نمائندگی صرف اور صرف مسلم کمیونٹی کے پاس ہونی چاہیے۔

4۔وقف کریشن حقوق - ہم اس بات پر پختہ یقین رکھتے ہیں کہ پانچ سال تک اسلام کا دعوی کرنے کی کسی شق کی ضرورت نہیں ہے۔ وقف ایک عالمگیر خیراتی ٹرسٹ ہے، اور کسی بھی عقیدے سے تعلق رکھنے والے افراد کو اللہ کے نام پر وقف بنانے کے قابل ہونا چاہیے۔

5۔حل نہ ہونے والے خطرات - ایک blanket stay نافذ کرنے سے انکار ترمیمی ایکٹ کے زہریلے ڈیزائن کو پنپنے کی اجازت دیتا ہے۔ وقف املاک کی لازمی رجسٹریشن کے خطرات، جس کے نتیجے میں بہت سے تاریخی وقفوں کو خارج کردیا گیا ہے، کمیونٹی پر تلوار کی طرح لٹک رہے ہیں۔

ہم اس بات کا اعادہ کرتے ہیں کہ وقف امت مسلمہ کا ایک مقدس امانت اور مذہبی حق ہے۔ اس میں کسی قسم کی کمی پیشی ناقابل قبول ہے۔ایس ڈی پی آئی ریاستی صدر عبدالمجید نے اختتام میں کہا ہے کہ ایس ڈی پی آئی اس وقت تک اپنی قانونی، سماجی اور جمہوری جدوجہد جاری رکھے گی جب تک کہ وقف مخالف تمام دفعات کو ختم نہیں کیا جاتا اور وقف کے تقدس کا مکمل تحفظ نہیں کیا جاتا۔